Ümmətə Suallar

Ümmətə Suallar

• Ey müsəlman, bu mübarək Ramazan ayında sənə verilən vaxt nemətini dəyərləndirdinmi, vaxtının qədrini bildinmi?

• Düşün! Keçən Ramazan ayında bizimlə olanlar harada qaldı?

• Ölüm ömürlərini sona çatdırıb, onları həyatlarından etmədimi?

• Kəfənə bükmədimi?

• Onların hər birini məzara düzmədimi?

• Əcəli onların əleyhinə çevirmədimi?

• Üzlərinə torpaq atılmadımı?

• Bəs bizimlə ayın əvvəlində oruc tutanlar harada qaldı?

• Məgər onlar Ramazanı sona çatdırıb, savab əldə edəcəklərini gözləmirdilərmi?

• Onlar saraylardan zülmət qəbrlərə, yumşaq döşəklərdən sərt torpağa göndərilmədilərmi?

• Onların başına gələnlər bizim başımıza gəlməyəcəkmi?

• Heç bir kəsin qurtula bilməyəcəyi bu ölümü xatırlayırsanmı?

• Ölüm gəldiyi zaman apara bilmədiyi bir kəs varmı?

• Kim evinə sığındı da, ölüm onu çıxara bilmədi?

• Kim uzun müddət yaşamaq istədi ki, ölüm ona mane olmadı?

• Hansı yüksəkliyə çıxdı ki, ölüm o yüksəkliyə qalxa bilmədi?

• Məgər nə qədər qadınların dul, uşaqların yetim qaldığını görmədinmi?

• Bir dəfə də olsun, bunları düşünmədinmi?

• Can boğaza çatmamış tövbə etdinmi?

• Bu mübarək ayda Axirətin üçün hazırlıq gördünmü?

• Bəs gələn Ramazana kimi yaşayacağına əminsənmi?

• Bu ayın layiqincə haqqını verdinmi?

• Gizlidə və aşkarda layiqincə Allahdan qorxdunmu?

• Bu ayda haram baxışdan, haram sözlərdən uzaqlaşdınmı?

• Uzun və ağır səfər üçün tədarük gördünmü?

• İbadətinlə Rəbbinə yaxınlaşdınmı?

• Yoxsa bu ay səni Rəbbinə yaxınlaşdırmayıb, əksinə daha çox uzaqlara apardı?

• Gecələri namaza qalxdınmı?

• Allahı xatırladınmı?

• Sən heç Ramazan gecələrini sevinclə qarşıladınmı?

• Yuxunla arana Allah qorxusu girib, yuxunu qaçırdımı?

• Gecə təkliyə çəkilib, Allahı yada salaraq göz yaşı axıtdınmı?

• Qəlbin Allah qorxusundan titrədimi, Allah sevgisindən yumşaldımı?

• Bu ayda Allaha tövbə etdinmi, Ondan bağışlanma dilədinmi?

• Oyun və əyləncəni bir kənara atdınmı?

• Salehlər və nicat tapanlar dəstəsinə qoşuldunmu?

• Fərz və nafilə ibadətləri lə Rəbbinə qulluq etdinmi?

• Həyatını ibadətinlə bəzədinmi?

• Quranı düşünərək oxudunmu?

• Əzab vəd olunan ayələrə çatdıqda bütün vücudun Allah qorxusundan titrədimi?

• Bu qurtuluş ayında Cəhənnəm odundan qurtulmağı dilədinmi?

• Allahın hər iftarda Cəhənnəmdən azad etdiyi qullar içində olmağı arzu etdinmi?

• Bu ayda Allahın tövbə qapısını döydünmü?

• Ey müsəlman, bu ayda da Allahın rəhmətini qazanmasan, axı hansı ayda qazanacaqsan?

__________________

Hazırladı: əz-Zubeyr