İsveçrə,
Fransa və.s. bir çox avropa ölkələri, müasir beynəlxalq hüquqda böyük inkişaf
etmiş ipoteka kreditinin məqsədi və funksiyası alacağın təmin olunmasıdır. Ona
görə də ipotekaya belə bir tərif verilib: “Şəxsi bir alacaq məqsədi ilə təsis
edilən və qiymətli bir sənədə ehtiyacı olmayan bir girov haqqıdır”.
İpotekaya
əsas təşkil edən alacaq, borclunun şəxsi məsuliyyətidir. Borclu bütün imkanları
ilə şəxsi məsuliyyət dairəsində cavabdehdir. İpoteka
krediti - öhdəliyin icrasının təmin
edilməsi üsulu olaraq daşınmaz əşyaların və rəsmi reyestrdə üzərində mülkiyyət
hüquqları qeydə alınan daşınan əşyaların girovudur. İpoteka qoyan ipoteka
predmeti olan əşyanı girov qoyan şəxsdir. İpoteka qoyan həm borclu, həm də üçüncü
şəxs ola bilər. İpoteka saxlayan ipoteka hüququ olan və ipoteka qoyanın digər
kreditorlarına nisbətən üstün qaydada ipoteka predmeti hesabına əsas öhdəliyin
icrasını tələb etmək hüququ olan şəxsdir, o cümlədən ipoteka kağızının qanuni
sahibidir.
İpoteka
dəyəri şəxsi vəsaitlərindən daha çox olan mənzil (ev) almağı planlaşdıran
insanlar üçün lazımdır. İpoteka krediti mənzil (ev) almaq üçün kifayət qədər
vəsait olmadıqda belə, insanlara öz şəxsi mənzillərində yaşamaq imkanı yaradır.
Azərbaycan banklarında ipoteka krediti
üzrə aylıq ödənişlər ya aylıq annuitet,
ya da əsas borcun bərabər hissələrlə bağlanması yolu ilə həyata keçirilir.
Annuitet ödəniş ipoteka krediti üzrə elə ödəniş formasıdır ki, bu zaman aylıq
ödənişin məbləği bütöv kredit müddəti ərzində dəyişilmədən, sabit qalır.
İslam
hüququnun klassik qaynaqlarında ipoteka adlı heç bir alış-veriş növü mövcud
deyildir. Hətta bu alış-veriş növü bizdə
bəzi doğruların yalnış anlaşıldığı kimi müsəlmanlar arasında yalnış anlaşılmağa
səbəb olmuşdur. Biz bizi tənqid etsələr də, bizə qarşı aqressiv nümayişlər göstərəslər də ipoteka haqqında müasir dövrümüzdə islam fiqh alimlərinin bu mövzu ilə bağlı
olan fikirlərini oxucuların diqqətinə çatdıracağıq. Bir çox müsəlman
ölkələrində müsəlmanlara ipoteka tətbiq olunur və müasir fiqh alimləri bununla
bağlı geniş açıqlamalar veriblər.
Bu
açıqlamalardan əvvəl qeyd edək ki, islam hüququnda ipotekanın olmadığı və
tanınmadığına işarə edən müasir alimlər çoxluq təşkil edirlər.
Ancaq islamda
ipotekaya icazə verilmədiyi və bir çox islam alimləri bunu dilə
gətirmədiklərinə baxmayaraq, birincisi bu o demək deyil ki, fiqh kitablarına bu
mövzu işlənməməlidir, ikincisi bu o demək deyil ki, biz bu mövzuya
toxunmamalıyıq, üçüncüsü isə bu gün bir gerçəkdir ki, bir çox müsəlmanlar açıq
və ya gizlin yollarla ipoteka götürürlər.
İpotekanın
faiz növlərindən bir növ olması, islama zidd olması buna əsas vermir ki, islam
hüququnun prinsiplərində ipoteka mövzusuna yer verilməməlidir. Bir çox islam
ölkələrində və xüsusi ilə Türkiyədə müasir fiqh alimləri bu mövzularda kifayət
qədər fiqhi əsərlərində toxunublar.
Əslində islam
fiqh, hüquq müəlliflərini bu istiqamətə sövq edən bu ipoteka alış-verişinin
həqiqətini təsbit etmək, əsas da islam hüququnda girov müqaviləsinin
əhəmiyyətli şərtlərindən biri olan malı, mülkü təslim almaq (qəbz almaq)
şərtidir. Pul, qiymətli şey və sairənin
alınması, qəbul edilməsi haqqında verilən kağıza, sənədə qəbz deyilir. Girov
müqaviləsinin qəbz şərti olmadan baş tutmayacağı və ya bəzi ictihadlara görə
məcburi olmadığını görən müəlliflər “islam hüququnda ipoteka yoxdur” deyiblər.
Sənəd
müqavilələrinin olmadığı və ya müasir dövrümüzdəki kimi müntəzəm və etibarlı
olmadığı dövrlərdə daşınmaz girovun (əmlak) tək keçərli yolu və üsulu təslim
almaq şərtinə bağlı olmasıdır. Bu səbəblə də fiqh alimləri daşınan əmlak kimi,
daşınmaz əmlakı da təslim etməyi şərt qoşublar. Başqa formada girovun təminat
funksiyasını yerinə yetirilməsi düşünülə bilməz. Yenə də eyni səbəblərlə
daşınmaz əmlakın yerinə, onun sənəd və sübutlarının təslim olunması da kifayət
görünməmişdir.
Müasir
dövrümüzdə sənədlərin rəsmləşdirilməsi ilə bağlı müəssisələr vardır. Daşınmaz
əmlakın satılması, alınması, başqa şəxsə bağışlanması, vəsiyyət edilməsi ilə
bağlı olaraq bu kimi müqavilələri həyata keçirmək üçün dövlətin müəyyən
cavabdehlik daşıyan qurumları fəaliyyət göstərir. Bu cür daşınmaz əmlakların
alınması, satılması, vəsiyyət edilməsi, bağışlanması ilə bağlı sənədləşmə
işlərini həyata keçirən idarələr müntəzəm çalışırlar, rəsmi idarələrdir,
güvənilən, etibarlı qurumlardır. Bu səbəbdən də bizim mövzumuz olan ipoteka
kreditini alan şəxs, ipoteka səbəbi ilə girov aldığı daşınmaz əmlak üzərindəki
haqqını, onun xəbəri olmadan və razılığı alınmadan aradan qaldırılması,
satılması, dəyişdirilməsi, kiməsə verilməsi və s. kimi onun üzərində bu va ya
digər əməliyyatları həyata keçirmək mümkün deyildir. Bu səbəbdən də islam
hüququnda ipoteka şəklində olan daşınmaz əmlakın girovunun halal, yəni icazəli
və ya haram, yəni icazəsiz olub-olmaması, rəsmi sənədlərlə qeydiyyata alınıb,
alınmamasından asılıdır. Bu problemli məsələyə həll yolu axtararkən ən əvvəl
girov müqabilində qəbz (rəsmi sənəd) şərti, bu şərtin yeri, əhəmiyyəti
barəsində məlumatlı olmalıyıq. Pul, qiymətli şey
və sairənin alınması, qəbul edilməsi haqqında verilən kağıza, sənədə qəbz
deyilir.
Birinci biz
bilməliyik ki, qeydiyyat qəbz yerinə keçirmi? Allah təala qarşılıqlı borc
əlaqəsinə girən şəxslərə borcu yazmalarını və ya yazdırmalarını, buna şahid
tutulmasını əmr etmiş, əvvəlcədən olan alış-verişdə yalnız şahid tutmaq,
səfərdə olub yazacaq şəxs olmaması halında girovla alış-verişi əmr etmişdir. Bu
hökmləri ifadə edən ayənin təfsirinə baxsaq görərik ki, girov almaq yalnız
səfər zamanı və yaza bilən şəxs olmadıqda həyata keçirilir. Bəzi müctəhidlər də
məsələni belə anlayıblar (Şövkani, Fəthul qadir, 1/273,275). Ancaq çox alimlər
Allah Rəsulunun səlləllahu aleyhi və səlləmin tətbiqatına baxaraq səfərdə
olmadan da borca əvəz olaraq girov verilməsinin, yazılmasının və şahid tutulmasının
fərz yox, bəyənilən bir əməl olması görüşünü mənimsəyiblər (İbn əl-Arabi,
Ehkamul Quran, Beyrut 1972, 1/261).
Borcun
yazılması ilə bağlı olan ayədə səfərdə, yəni səfər vaxtında olub “alınmış
girovlardan” bəhs edildiyinə görə, bundan ilk nəzərdə tutulan tələb yolu ilə
başa düşülən, girovun daşınan mal olmasına görədir. Allah Rəsulu səlləllahu
aleyhi və səlləmdən rəvayət olunan tətbiqat və ifadələrdə də ancaq daşınan
mallar qəsd olunur. Halbuki müctəhidlər, istər daşınan mal olsun, istərsə də
daşınmaz mal olsun, satılması üçün əlverişli olan hər malın girov alınıb
verilməsinin icazəli olduğuna hökm veriblər. Hətta malikilərə görə alınan malın
borcluya malı alan tərəfindən girov verilməsi də icazəlidir. Çünki borc qüvvədə
olduğuna görə, borcun qüvvədə olma vəziyyətinin qəbz sayılması lazımdır. Hətta
bu ödəniləcək məbləği qəbzləşdirmək və ya ödəniləcək malın üstünə artım əlavə
etməkdən daha sağlam bir qəbzdir (İbn əl-Arabi, Ehkamul Quran, Beyrut 1972,
1/261).
Qəbzin
(təslim almağın) lüğət mənası real olaraq məlum malı əlinə almaq, əlində
saxlamaq daşınmaz əmlaklarda, lazım olarsa içərisini boşaltmaqla girov alanın
oraya daxil olması səviyyəsinə gətirmək deməkdir.
Bütün bunlara
aid çox misallar vermək olar. Yorucu olmamaq üçün qısa şəkildə bildirək ki, mənbələrə
baxdıqda görərik ki, Allah Təala həm Qurani Kərimdə, həm də göndərdiyi
peyğəmbəri vasitəsi ilə hədislərdə bütün müsəlmanlara öz aralarında mallarını
qarşılıqlı razılıq əsasında, bir-birlərinə güzəşt getməklə, imkanı olanın
imkansıza borc verməsi ilə münasibətləri tənzimləməyi buyurmuşdur.
Azərbaycanda
da ipoteka kreditləri son zamanlarda verilməyə başlanılıb. Azərbaycan
Respublikasında əhalinin yaşayış şəraitini yaxşılaşdırmaq, mənzil tikintisinin
səmərəli maliyyələşdirmə mexanizmini yaratmaq, bu sahədə formalaşan təklifin
alıcılıq qabiliyyətli real tələbə uyğunlaşmasını təmin etmək və ipoteka
kreditləşməsinə yerli və xarici investorları cəlb etmək məqsədi ilə "Azərbaycan Respublikasında
ipoteka kreditləri sisteminin yaradılması haqqında" Azərbaycan Respublikası Prezidentinin
2005-ci il 16 sentyabr tarixli 299 nömrəli Fərmanına uyğun olaraq Azərbaycan
Respublikasının Mərkəzi Bankı nəzdində Azərbaycan İpoteka Fondu
yaradılmışdır.
22
dekabr 2005-ci il tarixində Azərbaycan Respublikasının Prezidenti tərəfindən
"Azərbaycan Respublikasının Mərkəzi Bankı nəzdində Azərbaycan
İpoteka Fondu haqqında
Əsasnamə" təsdiq edilmişdir (http://www.amf.cbar.az/az/view/pages/43/aif-haqqinda).
Son vaxtlar
bu kreditin mülayimləşdirilməsi, verilmə şərtlərinin asanlaşdırılması ilə bağlı
müzakirələr gedir.
Azərbaycan İpoteka Fondu əhaliyə birbaşa ipoteka
kreditlərinin verilməsi ilə məşğul olmur. Əhaliyə ipoteka kreditlərinin
verilməsi Azərbaycan Respublikası Mərkəzi Bankı tərəfindən seçilmiş müvəkkil
kredit təşkilatları tərəfindən həyata keçirilir.
Azərbaycan İpoteka Fondunun əsas funksiyaları
aşağıdakılardır:
1.
Müvəkkil kredit
təşkilatları tərəfindən verilmiş ipoteka kreditlərini yenidən maliyyələşdirir;
2.
Yenidən maliyyələşdirilən
ipoteka kreditlərinə dair tələbləri müəyyən edir;
3.
Maliyyə vəsaitlərinin cəlb
olunması məqsədilə ipoteka ilə təmin olunmuş qiymətli kağızlar emissiya edir;
4.
Öz fəaliyyətinin
sabitliyini və likvidliyini təmin etmək üçün maliyyə risklərini idarə edir;
5.
İpoteka kreditləşməsi
sahəsində likvidliyin təmin olunması və Fonda ucuz maliyyə resurslarının cəlb
olunması məqsədilə öz səlahiyyətləri daxilində tədbirlər görür.
Azərbaycan İpoteka Fondunun əsasnaməsi, nizamnaməsi də mövcuddur. Fonduz
xüsusi sayı fəaliyyət göstərir və istəyən hər bir vətəndaş sayta daxil olaraq
geniş məlumat ala bilər.
Son zamanlarda Azərbaycanda ipoteka
kreditlərinin sıfır faizlə verilməsi barəsində təkliflər səsləndirilib. Əgər
belə bir hal olarsa bu dövlətdən xalqa bir yaxşılıq edilmiş hesab olunar. Allah
təala və göndərdiyi elçisi də borc verməyin savab iş olduğunu, borcluya möhlət
verilməsi məsələlərini bildirilmişdir. Borclu da insaf və ədalət sahibi olub öz
borcunu vaxtında qaytarmağa çalışmalıdır. Bizdə təklif edirik ki, ipoteka
kreditləri faizsiz olaraq əhaliyə verilsin.
Əkrəm Həsənov (ilahiyyatçı).
Hiç yorum yok:
Yorum Gönder