Dinə qarşı dözümsüzlük və dini təcrid məsələsi.

Azərbaycanda dinə qarşı həddən artıq dözümsüzlük və dinə qarşı hələ də mənfi fikirlər var. Halbuki artıq bütün dünyada Qiyamətə qədər din islam olaraq tanınır və islamın gözəlliyi və təbliği bütün dünyada həyata keçirilir.

Buna baxmayaraq bu gün cəmiyyətimizdə müxtəlif mövzulardan söhbətlər olanda həmin mövzulardan dini təcrid edilər. Bu da dini düzgün başa düşməməkdən, dinin nə olduğunu bilməməkdən, dinin də elmin bir hissəsindən, həyatın əsasından olmasını başa düşməməkdən irəli gəlir. Din bizim bütün həyatımızı əhatə edir. Biz birmənalı olaraq dərk etməliyik ki, həyatımızın hər sahəsi dinə aiddir. Təsəvvür edin ki, bu dünyaya gələndən axirətə köçənə qədər, səhər yuxudan oyanandan gecə yuxuya gedənə qədər biz ümumi dinlə yaşayırıq. Bu səbəbədən bəzi məsələlərdə dinin yerinin olmadığını iddia edənləri anlamaq olmur.

Bu günlərdə məlum deputat xanımın haqqında hələ sübuta yetirlməmiş, guya seçkilərdə saxta sənədləşdirmə ilə deputatlığa gəlməsi məsələsini dini cəhətdən bir ilahiyyatçı kimi yorumlayanda belə yenə də bu məsələdən dini təcrid etmək istəyirlər. Islam dinində olan prinsipi xatırlatmağım bundan irəli gəlir ki, cəmiyyətimizdə başqa maraqları olan insanlar bu cür məsələləri daha da şişirir, hələ məsələləri araşdırmamış qarşıdakı insan haqqında əməlinin sübuta yetirilmədiyi halda verilən xəbərə inanır və təsdiq edir. İslam dinində belə bir qayda var ki, əgər hansısa bir xəbər sizə çatıbsa siz dərhal onu araşdırmalısnız. Özüdə əgər sizin buna səlahiyyətiniz və izniniz varsa. Yoxdursa onda bu məsələləri aidiyyatlı orqanlara həvalə edirisniz və onlar lazımı icraatları həyata keçirirlər.

Bu cəmiyyətdə bütün məsələlərdə dini kənar qoymaq niyə olmalıdır. Axı siz istər-istəmiz ölkəmizin rəsmi dininin islam olduğunu bilirisniz. Elə bir halda hansısa gündəmdə olan məsələlərə din araşdırmaçısı, ilahiyatçı, din bilicisi, din alimi mövqe bildirəndə oradan niyə dini təcrid etmək istəyirisniz. Niyə yaxınlarınızdan biri dünyasını dəyişəndə dərhal zəhləniz gedən din xadimini, mollanı axtarırısnız, amma həyatınızın digər sahələrində dini mütəxəssisi yaxına buraxmaq istəmirisniz. Yaxud da çox həyati və əhəmiyyət kəsb edən dünyəvi məsələlərədə dini elmi şəkildə bilənlərdən məsləhətlər almırısnız.

Əlbəttə biz din deyəndə çoxlarının ağlına, fikrinə yas məclisləri, mollalar gəlir. Amma din də bir elmdir və bu elmin də mütyəxəssisləri var. Bu mütəxəssislər də həyatın və gündəmin hər bir mövzusuna aid dindi mövqe bildirə bilər. Çünki din bizim ayrılmaz bir hissəmizdir. 

Əkrəm Həsənov (ilahiyyatçı, elmi işçi)...