:: İMAM MALİK və (azğın) SUFİLƏR ::

İmam əl-Qazi İyad (rahiməhullah) ət-Tinnisi`dən belə rəvayət edir:

 

 

"Bir gün İmam Malik`in yanında idik. Tələbələri də, orada idi.. Nuseyb`in millətindən bir nəfər belə dedi:

 

- Biz tərəflərdə "sufiyyə" deyilən bir topluluq var, çox yeyirlər, sonra qəsidələr oxumağa başlayırlar və qalxıb rəqs etməyə başlayırlar..

 

İmam Malik:

 

- Onlar uşaqdırlarmı? -deyə soruşdu. Cavab:

- Xeyr.. -olduqda, İmam Malik: 

 

- Yaxşı, onlar məcnundurlar (məcnun-dəli)? -deyə soruşduqda həmin adam:

- Xeyr, onlar şeyxlərdir və ağıl sahibidirlər. -deyə cavab verdi.

 

 

Bunun üzərinə İmam Malik (rahiməhullah) belə buyurdu:

 

- İslam əhlindən heç kəsin belə bir əməl etdiyini eşitməmişəm.

 

Həmin adam belə dedi:

 

- Onlar yeyirlər, sonra ayağa qalxıb rəqs edirlər, bəziləri isə üzlərinə, başlarına vururlar.

İmam Malik gülümsündü, sonra isə qalxıb evinə getdi.

 

İmam Malik`in tələbələri həmin adama belə dedilər:

 

- Dostumuza, şeyximizə uğursuzluq gətirdin.. Biz 30 ildir ki, İmam Malik`in məclisində otururuq, bu gündən başqa heç vaxt güldüyünü görmədik..."

 

 

 

_________________________________________

Qazi İyad, "Tərtibu`l-Mədərik" ﴾2-ci cild, səh: 54﴿

Tərcümə: Ayxan Yaquboğlu.