Müşriklərdən olma!

Müşriklər (Allahdan başqasına qurban deyənlər, nəzir verənlər, şəritədə icazə verilməyən qəbirləri ziyarət edənlər) öz batil pirləri, seyidləri, övliayaları ilə müqavilə bağlaırlar. İldə bir dəfə, ayda bir dəfə, həftədə bir dəfə gedib o pirləri ziyarət edilər, orada Qurban kəsirlər. Beləliklə də işləri alınır və onlara görə arzuları həyata keçir. Ancaq başlarına nə qədər bəlalar gəlir, onlara təsir etmir
. Yenə də onlara elə gəlir ki, doğru yoldadırlar. Halbuki onların müqaviləsi batildir. Çünki bu müqavilə möhkəm bir əsasla bağlanmayıb və sanki boşluqda olan üzdə görünməyən dərin bir quyuya doğru gedirlər. Tezliklə quyuya daxil olacaqlar. Ancaq hələ də Allahın və sonra da Rəsulunun dediklərini etmirlər. Allah təala buyurur: "(Allahın vəhdaniyyətini danan, Quranı yalan hesab edən) kafirlərin əməlləri ucsuz-bucaqsız çöldəki (səhradakı) ilğıma bənzər ki, susuzluqdan ürəyi yanan onu su bilər. Nəhayət, gəlib ona yetişdiyi zaman onun heç nə olduğunu görər. O öz əməlinin yanında ancaq Allahın cəzasını tapar. (Allah da) onun cəzasını (layiqincə) verər. Allah tezliklə haqq-hesab çəkəndir" (Nur suresi 39). (Ya Rəsulum!) De: “Mən göyləri və yeri yaradan, hamısını bəsləyib Özü bəslənməyən (hamını yedirdib Özü yeməkdən uzaq olan) Allahdan başqasını özümə Rəbbmi edərəm?!” De: “Mənə ilk müsəlman olmaq əmr edildi və müşriklərdən olma!” (deyə buyuruldu) (Ənam 6). "Mən, həqiqətən, batildən haqqa tapınaraq (dönərək) üzümü göyləri və yeri yaradana çevirdim. Mən (Allaha) şərik qoşanlardan deyiləm!” (Ənam 79). "(Ya Rəsulum!) Rəbbindən sənə vəhy edilənə (Qurana) tabe ol. (Sən yəqin bilirsən ki) Ondan başqa heç bir tanrı yoxdur. müşriklərdən isə üz çevir!" (Ənam 106). Müşriklər belə deyəcəklər: “Əgər Allah istəsəydi, nə biz, nə də atalarımız müşrik olar və nə də biz bir şeyi haram edə bilərdik. Onlardan əvvəlkilər də (öz peyğəmbərlərini) belə təkzib etmişdilər. Nəhayət, əzabımızı daddılar. (Onlara) de: “Bizim qarşımıza çıxara biləcək bir elminiz varmı? Siz yalnız zənnə qapılır və yalan uydurursunuz!” (Ənam 148). Müşriklər haqqında ayələr saysız-hesabsızdır. Bütün ayələri burada yazmırıq. 

Onlar Allaha iman edirlər, ancaq buna baxmayaraq iman etdikləri halda şeytana aldanaraq pirləri Allaha şərik qoşurlar. Ətrafımız belə insanlarla doludur. Evdə övladı yeməyə ət tapmayan nə qədər imkanlı atalar var ki, gedib pirlərdə hayvan kəsib paylayırlar. Allah təaladan onlar üçün hidayət istəyirik. 

Allah təala iman edənləri şirk etməkdən çəkindirir: "(Ya Rəsulum!) De: “Allah doğru buyurmuşdur. Ona görə də hənif olan İbrahim dininin ardınca gedin, çünki o, (Allaha) şərik qoşanlardan deyildi” (Ali İmran 95).

Allah təala bizləri şirkin gizlisindən və açığından qorusun. Amin! 

Əkrəm Həsənov (ilahiyyatçı, elmi işçi)..