İbn Məsud`dan (radıyallahu təalə anhu) hikmətli sözlər.

İbn Məsud`dan (radıyallahu təalə anhu) hikmətli sözlər:

- Sözlərin ən doğrusu - Allahın kitabıdır.

- Ən möhkəm düyün - təqva kəlməsidir.

- Ən xeyirli din - İbrahim`in (əleyhissəlam) dinidir.

- Ən gözəl sunnə - Rasulullah`ın (səlləllahu aleyhi və səlləm) Sunnəsidir.

- Ən gözəl yol - peyğəmbərlərin yoludur.

- Sözlərin ən şərəflisi - Allahı zikr etməkdir.

- Ən xeyirli hekayə - Qurandır.

- Bütün işlərin ən xeyirlisi - dindən olanlardır, bütün işlərin ən pisi isə - dinə sonradan əlavə olunanlardır (bidətlər).

- Az olub kifayət olan - çox olub, işə yaramayan şeydən daha xeyirlidir.

- Nəfsin xilas olması - xeyirsiz nəfsi istəklərdən daha xeyirlidir.

- Üzrlərin ən şərlisi - ölüm anında edilən üzrdür.

- Peşmanlığın ən pisi - Qiyamət günü olan peşmanlıqdır.

- Zəlalətin ən şərlisi - hidayətdən sonra olan zəlalətdir.

- Zənginliyin ən xeyirlisi - könül zənginliyidir.

- Azuqənin ən xeyirlisi - təqvadır.

- Qəlbdə olan ən xeyirli şey - yəqindir.

- Şübhə isə - küfrdəndir.

- Ən şərli korluq - qəlbin korluğudur.

- İçki - bütün şərlərin anasıdır.

- Azğın qadınlar - şeytanın ipləridir.

- Pis gənclik - dəliliyin bir şöbəsidir.

     - Ölülərə həddindən artıq ağı demək - cahillikdəndir..

İbn`ul Qeyyimin “əl-Fəvaid” kitabından faydalandım.

Ayxan Məmmədəlioğlu...